Saytdan istifadə şərtləri

1. Ümumi müddəalar

Bu saytın operatoru ″XANTEX″ Məhdud Məsuliyyətli Cəmiyyəti-dir (VÖEN 8800029391, hüquqi ünvan: Xankəndi şəhəri, faktiki ünvan: Bakı şəhəri, Nəsimi rayonu, Tbilisi prospekti, 3007-ci məhəllə, 44C, AZ1102). Aşağıda "Satıcı" dedikdə həmin cəmiyyət nəzərdə tutulur.

Saytdan istifadə şərtləri saytın istifadəçiləri ilə Satıcı arasında münasibətləri tənzimləyir. Saytdan istifadə etməklə istifadəçi bu şərtlərlə tanış olduğunu və onları qəbul etdiyini təsdiqləyir.

Şərtlərlə razı olmadığınız halda saytdan istifadə etməməyiniz xahiş olunur.

2. Əsas anlayışlar

• Sayt - Satıcıya məxsus bu onlayn mağaza və onun bütün səhifələri.
• İstifadəçi - sayta daxil olan istənilən şəxs.
• Sifariş - istifadəçinin sayt vasitəsilə seçdiyi malların alınması barədə müraciəti.
• Məhsul - saytda satışa təqdim olunan mal.

3. Saytdan istifadə qaydaları

Sayt yalnız qanuni məqsədlər üçün, məhsullarla tanış olmaq və sifariş vermək üçün nəzərdə tutulub.

Sifariş verərkən istifadəçi doldurduğu məlumatların düzgünlüyünə cavabdehdir. Yanlış və ya natamam əlaqə məlumatı səbəbindən sifarişin icra edilə bilməməsinə görə Satıcı məsuliyyət daşımır.

• Saytın işinə maneə törədən, ona və ya onun infrastrukturuna zərər vuran hərəkətlər qadağandır.
• Saytın məzmununun avtomatlaşdırılmış üsullarla kütləvi surətdə kopyalanması Satıcının yazılı razılığı olmadan yolverilməzdir.
• Başqa şəxsin adından və ya saxta məlumatla sifariş vermək qadağandır.

4. İstifadəçi hesabı

Saytda hesab yaratmaq istifadəçinin öz seçimidir. Hesab məlumatlarının, o cümlədən giriş parolunun məxfiliyini qorumaq istifadəçinin öhdəliyidir.

Hesabınıza icazəsiz giriş barədə şübhəniz varsa, dərhal bizimlə əlaqə saxlayın.

5. Sifarişin verilməsi və təsdiqlənməsi

Saytda verilən sifariş məhsulun alınması barədə müraciət sayılır. Sifariş Satıcının əməkdaşı tərəfindən təsdiqləndikdən sonra qüvvəyə minir.

Sifariş təsdiqlənənədək məhsulun mövcudluğu, qiyməti və çatdırılma şərtləri dəqiqləşdirilir. Məhsul anbarda olmadıqda və ya sifarişdə açıq-aşkar səhv aşkarlandıqda Satıcı sifarişi icra etməkdən imtina edə bilər; bu halda ödənilmiş məbləğ tam qaytarılır.

6. Qiymətlər və məhsul haqqında məlumat

Saytda göstərilən qiymətlər Azərbaycan manatı (AZN) ilə ifadə olunur. Ödəniləcək yekun məbləğ ödənişdən əvvəl sifarişin xülasəsində göstərilir.

Məhsulların təsviri, şəkilləri və texniki göstəriciləri istehsalçının və ya təchizatçının verdiyi məlumatlara əsaslanır. Bu məlumatlarda texniki səhv aşkarlandıqda Satıcı onu düzəliş etmək hüququnu özündə saxlayır və düzəliş sifarişin təsdiqlənməsinədək istifadəçiyə bildirilir.

Məhsulun şəkli təqdimat xarakteri daşıyır və rəng çalarları cihazın ekranından asılı olaraq fərqlənə bilər.

7. Əqli mülkiyyət

Saytın dizaynı, mətnləri və digər məzmunu müəllif hüququ ilə qorunur və Satıcıya və ya müvafiq hüquq sahiblərinə məxsusdur.

Saytda göstərilən brend adları və ticarət nişanları öz sahiblərinə aiddir və yalnız satışa təqdim olunan məhsulun eyniləşdirilməsi məqsədilə istifadə edilir.

8. Məsuliyyətin məhdudlaşdırılması

Satıcı saytın fasiləsiz və səhvsiz işləməsinə zəmanət vermir; texniki işlər və ya operatorumuzdan asılı olmayan hallar səbəbindən sayta müvəqqəti giriş məhdudlaşa bilər.

Saytda üçüncü tərəflərə məxsus resurslara keçid ola bilər. Həmin resursların məzmununa görə Satıcı cavabdeh deyil.

Bu şərtlər istehlakçının qanunvericiliklə müəyyən edilmiş hüquqlarını məhdudlaşdırmır.

9. Şərtlərə dəyişiklik edilməsi

Satıcı bu şərtlərə dəyişiklik etmək hüququnu özündə saxlayır. Dəyişikliklər bu səhifədə dərc olunduğu andan qüvvəyə minir; artıq təsdiqlənmiş sifarişlərə isə sifariş verilərkən qüvvədə olan şərtlər tətbiq edilir.

10. Tətbiq olunan hüquq və mübahisələrin həlli

Bu şərtlərə və onların əsasında yaranan münasibətlərə Azərbaycan Respublikasının qanunvericiliyi tətbiq edilir.

Yaranan mübahisələr ilk növbədə danışıqlar yolu ilə həll edilir. Razılıq əldə edilmədikdə mübahisə Azərbaycan Respublikasının qanunvericiliyində nəzərdə tutulmuş qaydada məhkəmə qaydasında həll olunur.